MoMo coa Folga Xeral

MoMo: Mocidade en Movimento súmase a Folga Xeral do 29 de marzo, amosando o seu máis profudo rexeite a reforma laboral, entendendo que esta constitúe un ataque directo contra as condicións laborais, fomentando a precariedade laboral e cebándose especialmente coa xuventude.

MoMo súmase a distintas iniciativas e convócavos a todos e todas a manifestación que terá lugar o 29 de marzo.
MoMo quere agradecer o traballo que están facendo nesta liña colectivos como Estudantes Sen Futuro, que realizaron o seguinte video e manifesto para concienciar ao estudantado


Aquí o  manifiesto:


As políticas antisociais do goberno, tales como os recortes ou a reforma laboral, non só constitúen un dos ataques máis directos e brutais cara os dereitos dos traballadores e traballadoras na historia da democracia, se non que son tamén un golpe claro cara o futuro do estudantado e da mocidade en xeral.


En primeiro lugar, limitouse e dificultouse o accesos aos estudos superiores mediante a implantación da Estratexia Universidade 2015, un paso máis no Proceso de Boloña, que supón a elitización e mercantilización do ensino, principalmente mediante a suba desmesurada das taxas universitarias, ou as contraproducentes reformas nas probas de acceso.


Por outro lado, no ámbito das ensinanzas medias atopámonos coa posible reforma do bacharelato e os continuos recortes presupostarios, entre outras moitas medidas antisociais que teñen como finalidade a precarización e posterior privatización do ensino público.


Ademáis, a nova reforma, lonxe de buscar unha solución aos graves problemas que presenta para a xuventude o mercado laboral actual, aumenta a precarización e incertidumbre do noso porvir, elevando as taxas do paro xuvenil 43,5%. Queremos unha formación de calidade, enfocada a unha realidade laboral xusta e igualitaria.


Sobran as razóns para saír a rúa o vindeiro xoves 29 de marzo, e berrar ben alto que cos nosos dereitos non se xoga. Paremos as aulas e fagamos da Folga Xeral un éxito tamén no ámbito educativo. O noso futuro é o futuro da sociedade, unámonos e loitemos para defendelo!


Nin nas aulas nin na casa! Na rúa!